Ўзбекистон МТЖ ўртоқлик учрашувида Буркина-Фасони кичик ҳисобда енгди

Бугун — 24 август куни Ўзбекистон миллий терма жамоаси Тошкентдаги Пахтакор марказий стадионида Буркина-Фасо терма жамоасига қарши ўртоқлик ўйинида майдонга тушди.

Учрашув Самвел Бабаян шогирдлари устунлиги остида ўтди ва бу устунлик 40-дақиқада ҳимоячи Егор Кримец томонидан урилган гол орқали ҳисобда акс этди. Бу гол учрашувда ягоналигини сақлаб қолди ва Ўзбекистон миллий терма жамоаси илк марта Африка қитъаси вакили бўлган терма жамоани мағлуб этди.

Миллий терма жамоа энди 1 сентябрь куни ЖЧ-2018 саралашининг учинчи босқичи доирасидаги биринчи тур учрашувида Сурияга қарши майдонга тушади.

Ўзбекистон — Буркина-Фасо 1:0
Гол: Егор Кримец, 40 (1:0).
Четлатиш: Азиз Ҳайдаров, 71

Ўзбекистон: Александр Лобанов — Даврон Ҳошимов, Егор Кримец (Азим Аҳмедов, 46), Анзур Исмоилов (Отабек Шукуров, 66), Станислав Андреев, Азиз Ҳайдаров, Жавоҳир Соҳибов, Жамшид Искандеров (Саламат Қутибоев, 75), Жасур Ҳасанов (Зоҳид Абдуллаев, 46), Элдор Шомуродов (Достон Ҳамдамов, 75), Игорь Сергеев (Марат Бикмаев, 69).

Буркина-Фасо: Зонго Айме —Каенбе Хернан (Арманд Дуедраого, 65), Загре Исмаел, Тапсоба, Якуба Кулибали, Барро Юссуф, Амаду Туре (Сулеймане Сканде, 65), Сибири Саноу, Абдул Карим Багуиан, Чейк Ибраҳим (Разак Бенин, 65), Исмоил Лингани (Ҳассими Барри, 49).