Хитойда ўтган асрда серияли қотилликлар содир этган шахс қўлга олинди

Хитойнинг Ганьсу вилояти полицияси ўн йиллар муқаддам давомли қотилликларни амалга ошириб, 11 нафар аёл ва болаларни ўлдирган жиноятчини ушлади. Бу ҳақда China Daily хабар берган.

Полиция маълумотларига кўра, Гао фамилияли 52 ёшли эркак 1988 йилдан 2002 йилгача муддат ичида Ганьсу вилоятида Байинь шаҳрида ҳамда Ички Манжурия маъмурий ҳудудидаги Баотоу шаҳрида қотилликлар содир этган.

Қайд этилишича, қўлга олинганидан кейин ушбу шахс барча айбларга иқрор бўлган. Манба маълумотига кўра, унинг энг кичик қурбони 8 ёшли қизча бўлган.