Арманистон бош вазири истеъфога чиқди
Арманистон бош вазири Овик Абраамян истеъфога чиқиш қарори ҳақида маълум қилди.
У пайшанба куни ҳукумат йиғилишида шу ҳақидаги қарорини билдирган.
"Мен истеъфога чиқаман ва президентга янги ҳукумат шакллантириш имконини бераман", — дея унинг сўзларини келтирган Sputnik Армения.
У ўз қарорини давлатни бошқаришда янги қарашларга эҳтиёж юзага келгани билан изоҳлаган.
Абраамян 2014 йилнинг апрелида лавозимига тайинланганди.
Бундан олдинроқ маҳаллий нашрларда президент Серж Саргсян миллий келишув ҳукумати шакллантирмоқчилиги, янги ҳукуматга мамлакат пойтахти Ереван шаҳрининг собиқ мэри, ҳозирда "Газпром"нинг муассислигидаги "Межрегионгаз" компаниясида стратегия ва ривожланиш масалалари бўйича бош директор ўринбосари ҳисобланадиган Карен Карапетян раҳбар бўлиши ҳақида хабарлар тарқалганди.
Агар бу тайинлов амалга ошса, Карапетян Арманистоннинг ҳисоб бўйича ўн тўртинчи бош вазири бўлади.
Мавзуга оид
20:33 / 18.09.2024
Арманистонда давлат тўнтаришига уринишнинг олди олинди
00:10 / 10.09.2024
Арманистон Европа Иттифоқи билан визасиз режим бўйича музокараларни бошлади
21:15 / 03.09.2024
ФҚБ арманистонлик талаба Туркия ва Озарбойжон элчихоналарига ҳужум уюштиришни режа қилганини аниқлади
23:18 / 31.08.2024