Galaxy Note 7 билан боғлиқ муаммолар Samsung раҳбарига қимматга тушди

Samsung концерни раҳбари Ли Гонхи Galaxy Note 7 қурилмасининг муваффақиятсизлиги туфайли атиги икки кун ичида 1,2 миллиард доллар йўқотди. Бу ҳақида 13 сентябрь куни Bloomberg ахборот агентлиги маълум қилди.

Смартфоннинг флагман модели қайтариб олингани ва унинг авиарейсларда қўлланиши тақиқланганидан кейин Samsung компаниясининг бозор нархи 22 миллиард долларга тушиб кетди.

Шунга қарамай, компанияни 1987 йилнинг 1 декабридан буён бошқариб келаётган Ли Гонхи Жанубий Кореядаги энг бадавлат кишилигича қолмоқда. Унинг бойлиги 13,5 миллиард долларга баҳоланмоқда.