Моуриньо: Мени «Ман Сити» билан ўйинда ранжитган футболчилар Европа Лигасида ўйнамайди

«Манчестер Юнайтед» жамоаси бош мураббийи Жозе Моуриньо Европа Лигасида иштирок этадиган футболчиларни аниқлаб олган. «МЮ» турнир доирасидаги илк ўйинни 15 сентябрь куни «Фейеноорд»га қарши сафарда ўтказади.

«Мени шанба куни «Манчестер Сити» билан ўйинда хафа қилган футболчиларни «Фейеноорд»га қарши ўйинда ўйнатмайман. Лекин буни жазо сифатида қабул қилиш керакмас. Мен шунчаки ким нимага қодирлигини билиб олдим», дея Моуриньонинг сўзларини келтирган «Манчестер Юнайтед» матбуот хизмати.

10 сентябрь куни «МЮ» «Олд Траффорд»да «Манчестер Сити»ни қабул қилди ва 1:2 ҳисобида мағлуб бўлди.

Манба: Tribuna.uz