“Краснодар” ярим ҳимоячиси Одил Аҳмедов бош мураббий Олег Кононовнинг истеъфоси жамоага яхши таъсир қилганлигини таъкидлаб ўтди.
“Кононовнинг кетиши? Бу кутилмаган қарор бўлди. Аммо мураббийларнинг тақдирига шундай ёзилган. Мураббийдан жамоа яхши ўйин кўрсатишини кутади. Футболда энг муҳим жиҳат – натижа. Натижа бўлмаса, кетишга тайёргарлик кўраверинг.
Балки, мураббийнинг истеъфоси тўғри қарор бўлгандир. Бу ҳолат жамоани уйғотишга, муваффақиятсиз стартдан кейин ўзига келиб олиши учун ёрдам бериши мумкин. Мураббийнинг алмашиши жамоага доимо ижобий таъсир қилган. Натижа ҳам ўзини узоқ куттирмайди. “Краснодар” охирги 3та ўйинда фақат ғалаба қозонди”, - дейди Аҳмедов “Известия” нашрига берган интервьюсида.
