Зидан: Роналду майдонда қолишни истади, бироқ уни вақти-вақти билан алмаштириб туриш лозим

"Реал" бош мураббийи Зинедин Зидан Испания чемпионатидан ўрин олган "Лас-Пальмас"га қарши учрашувдан олган таассуротлари билан бўлишди. Учрашув Лас-Пальмас-де-Гран-Канариядаги "Гран Канария" майдонида бўлиб ўтди ва 2:2 ҳисобидаги дуранг натижа билан якунланди. "Реал" етакчиси Криштиану Роналду 72-дақиқада алмаштирилди.

"Биз бу ҳафтада аввал ўйнагандик, шунинг учун Криштиану вақти-вақти билан дам олиши керак. У яхши ўйнади, бироқ мен Чемпионлар Лигаси ўйинини ўйлаб, бугун уни алмаштиришга қарор қилдим. Албатта, у майдонда қолишни истади, бироқ мен ўйинчиларим, жумладан Криштиану ҳақида ғамхўрлик қилишим керак. Бизнинг сешанба куни ўйинимиз бор, шунинг учун уни алмаштириб туриш лозим.

Рақиб диққатни йўқотганимизда ҳисобни тенглаштирди. Агар жамоа иккита тўп ўтказиб юборган бўлса, бу унинг ҳимояда яхши ўйнай олмаганини англатади. Биз икки очко йўқотдик, бироқ курашни давом эттирамиз", деб Зидан айтган сўзларни келтириб ўтди As нашри.