Бразилиядаги Паралимпиада очилиш маросимида Россия байроғини олиб чиққан беларусликка антиқа совға тайёрланди

Бразилиядаги Паралимпиада очилиш маросимида Россия байроғини олиб чиққан, Беларусь спорт ва туризм вазирлиги вакили Андрей Фомочкинга Россия томонидан квартира совға қилинадиган бўлди, деб маълум қилди фейсбукда Россия ташқи ишлар вазирлиги расмий вакили Мария Захарова.

Россия паралимпия терма жамоаси 2016 йилги Паралимпия ўйинларида WADA мустақил комиссиясининг Россияда спортчилар томонидан допинг истеъмол қилинишининг давлат томонидан қўллаб-қувватланиши ҳақидаги ҳисоботига асосан вақтинчалик четлатилгани сабабли иштирок этмаган. Россиялик  паралимпиячиларга Россиянинг ўзида алоҳида ўйинлар ташкил этилган.

Аввалроқ Фомочкин ўзини қаҳрамон деб ҳисобламаслигини айтганди.