Yahoo фойдаланувчилар почтасини оммавий кузатиш бўйича айбловларни инкор қилди

Yahoo компанияси фойдаланувчилар почтасини оммавий кузатиш бўйича айбловларни инкор қилди, деб хабар бермоқда Fox News телеканали.

Аввалроқ Reuters ахборот агентлиги 2015 йилда Yahoo АҚШ разведкасида фойдаланувчиларнинг электрон мактубларида муайян маълумотни қидириш имконияти бўладиган дастурни яратганини маълум қилганди. Таъкидланишича, компания АҚШ ҳукуматининг махфий қарорига кўра, АҚШ Миллий хавфсизлик агентлиги ва Федерал қидирувлар бюроси илтимоси билан Yahoo Mail’нинг юз миллионлаб аккаунтларини текширган.

Yahoo бу мақолани чалғитувчи деб атади. "Биз фойдаланувчилар ҳақидаги маълумотлар бўйича ҳукуматнинг ҳар илтимосини ошкораликни иложи борича камайтириш учун синчковлик билан қабул қиламиз", деб айтилди компания берган баёнотда. Компанияда таъкидланишича, Yahoo тизимларида мақолада келтирилгандек, почтани сканирловчи функция мавжуд эмас.