Истанбулдаги Отатурк аэропорти яқинида портлаш содир бўлди

Камида 5 киши Истанбул шаҳридаги полиция маҳкамасида рўй берган портлаш туфайли жароҳатланган. NTV телеканали маълумотига кўра, улардан бири оғир аҳволда қолмоқда.

Дастлабки маълумотларда айтилишича, автомобилга ўрнатилган портловчи қурилма ҳаракатга келтирилган. Полиция бу портлаш ижрочиларини қидириш ишларини бошлаган.

Портлаш Отатурк халқаро аэропорти яқинида, Шириневлер тумани ҳудудидаги полиция маҳкамасида содир бўлган.

Воқеа жойида махсус хизматлар ходимлари иш олиб боришмоқда. Ҳудуд ўраб олинган.