Шотланд полицияси йўл қоидасини бузган товуқни ушлади

Фото: Tayside Police Division

Шотландиянинг Данди шаҳри полицияси йўл ҳаракати қоидасини бузган товуқни ушлагани ҳақида ҳисобот берди. Бу ҳақда UPI агентлиги хабар бермоқда.

Ҳуқуқ-тартибот муассасаларига эрта тонгда йўлнинг қатнов қисмида товуқни кўрган ҳайдовчилар мурожаат қилишган. Воқеа жойига полиция наряди етиб келиб, "қоидабузарни" қидира бошлаган. Бироздан кейин товуқ топилган.

Товуқ маҳаллий полиция бўлимига етказилган, сўнгра Ҳайвонларга қаттиққўллик қилишнинг олдини олиш қироллик жамияти вакилларига берилган. Энди департамент ходимлари товуқнинг эгаси топиилиши ва товуқ нима мақсадда йўлни кесиб ўтаётганини аниқлашга умид қилишмоқда.