"Советский спорт" нашриёти банкрот деб тан олинди

Москва ҳакамлик суди сентябрь охирида "Издательство "Советский спорт" ОАЖни банкрот деб тан олди, деб айтилган суд қарорида. Бу ҳақда "Интерфакс" ахборот агентлиги хабар бермоқда. 

Ушбу иш бўйича ҳужжатларда нашриёт кредиторлардан 934,2 минг рубль қарз бўлиб қолгани кўрсатилган. Нашрнинг мол-мулки баланс қиймати ва активлари кредиторлар билан ҳисоб-китоб қилишга имкон бермаган. Нашрнинг молия-хўжалик фаолиятини тиклашнинг иложи йўқ, деб топилган.

"Советский спорт" нашриёти Россиянинг энг эски спорт нашриёртларидан бўлиб, 25 йил аввал собиқ иттифоқ давлат спорт қўмитаси томонидан тузилган. Нашриёт ўзининг китоб маҳсулотларидан ташқари, Россия ва МДҲ давлатлари нашриётларининг спорт мавзусидаги китобларини сотиш билан шуғулланади.