Буюк Британия инвесторлар учун энг қулай 5 мамлакат рўйхатидан чиқиб кетди

Фото: bloomberg.com

Global Capital Confidence Barometer от Ernst & Young (EY) ҳисоботига кўра, Буюк Британия 2009 йилдан бери биринчи марта инвесторлар учун энг қулай 5 мамлакат рўйхатидан чиқиб кетган. Бу ҳақида Bloomberg хабар берди.

Манбага кўра, бу йил инвесторлар учун энг қулай 5 мамлакат рўйхатидан АҚШ, Хитой, Германия, Канада ва Франция жой олган.

Ҳисобот дунёнинг 45 мамлакатидаги 1 700 нафар компания раҳбарлари орасида ўтказилган сўровномага асосланган.

"Brexit халқаро инвестицияларни қийинлаштирувчи геосиёсий ўзгаришларнинг ўсишига яққол мисол бўла олади", - дейди экспертлардан бири Стив Кроускос.