Украина Россияга қарши санкцияларни кенгайтириш борасида сўнгги қарорни қабул қилди

Фото: Украина президенти расмий сайти

Украина президенти Пётр Порошенко Россиянинг юридик ва жисмоний шахсларига нисбатан санкциялар муддатини узайтирди. Бундан ташқари, санкция рўйхати кенгайтирилган, дейилади давлат раҳбари сайтида эълон қилинган фармонда.

Шу билан, Порошенко Украина мудофаа ва миллий хавфсизлик кенгаши томонидан қабул қилинган қарорни тасдиқлаган. Бундан ташқари, Кенгаш матбуот хизматида маълум қилишларича, расмий Киев Давлат думасининг Қримдан сайланган депутатларига қўшимча санкциялар жорий қилишни режалаштирган.