Путин ва Эрдўған Мўсулни озод қилиш амалиётини муҳокама қилишди

Фото: © AFP

Россия президенти Владимир Путин туркиялик ҳамкасби Ражаб Тоййиб Эрдўған билан ўтказган телефон орқали мулоқотида Ироқнинг Мўсул шаҳрини озод этиш амалиётини муҳокама этган. Бу ҳақда РИА «Новости» агентлиги хабар қилмоқда.

Путин, хусусан, Суриянинг «ҳақиқий» мухолифатини «Жабҳат ан-Нусра» гуруҳи жангариларидан ажратиш муҳимлигини таъкидлаган.

Томонлар, шунингдек, Сурия инқирозини ҳал этишга оид фикрлар билан ўртоқлашиб, сиёсий, савдо-иқтисодий ва бошқа соҳалардаги икки томонлама ҳамкорликни муҳокама этишган.

Тайёрлаган: Толиб Раҳматов

#Россия #Туркия #Сурия #Ражаб Эрдўған #Мўсул #Жабҳат ан-Нусра