Венесуэла парламенти президентни давлат тўнтаришида айблади

Венесуэла парламенти мамлакат президенти Николас Мадурога қарши импичмент эълон қилиш жараёнини бошламоқчи. Қонун чиқарувчилар ижро ҳокимиятини конституцион тузумни бузганликда айбламоқда, деб ёзган маҳаллий El Universal нашри.

Тўққизта турли банддан иборат ва мамлакат олий қонунчилик органи томонидан қабул қилинган ҳужжатга мувофиқ, Венесуэла парламенти конституцион тартиб бузилгани ва ижро ҳокимияти томонидан давлат тўнтариши амалга оширилгани ҳақида эълон қилишни режалаштирмоқда. Бундан ташқари, парламент Николас Мадуро президентлигига барҳам бериш жараёнини бошлайди.

Шу билан бирга, парламент аъзолари Халқаро жиноят судига Мадуро истеъфосига оид референдум бекор қилиниши муносабати билан мурожаат қилмоқчи. 

Аввалроқ, мамлакатда Николас Мадуро истеъфосини талаб қилиб, намойишлар бўлиб ўтган эди.