Шавкат Мирзиёев Қатар амирига ҳамдардлик билдирди

Ўзбекистон Республикаси Президенти вазифасини бажарувчи Шавкат Мирзиёев Қатар амири Шайх Тамим бин Ҳамад Ол Сонийга собиқ Амир Шайх Халифа бин Ҳамад Ол Сонийнинг вафот этганлиги муносабати билан самимий таъзия изҳор этилган мактуб йўллади. Бу ҳақда Ўзбекистон ТИВ сайтида маълум қилинган.

Мактубда марҳумнинг оила аъзоларига ҳамдардлик ва далда сўзларини билдирилган.

Қатарнинг 6-амири бўлган шайх Халифа ибн Ҳамад ибн Абдуллоҳ ибн Қосим ибн Ҳамад Ол Соний Ол Сонийлар сулоласининг 2-амири бўлган. У 1932 йил 17 сентябрда туғилган ва 20 йилдан кўпроқ – 1972 йилдан 1995 йилгача Қатарни бошқарган. У 24 октябрь куни 85 ёшида вафот этди.