Атамбаев: Муддатим поёнигача Қирғизистонда битта ҳам эски мактаб қолмайди

Фото: prezident.kg

Қирғизистон Республикаси президенти Алмазбек Атамбаевнинг баёнотига кўра, унинг муддати поёнига етгунча, мамлакатда биронта ҳам авария ҳолатидаги мактаб қолмайди. У Республика Олий ўқув юртлари талабаларига президентлик стипендияларини тақдим этиш маросимида шундай фикрни билдирган.

Унинг сўзларига кўра, 2016 йили республика бюджетининг 24 фоизи таълим соҳасига ажратилган.

«Дунёнинг ҳеч бир мамлакатида таълим соҳасига Қирғиз Республикасидаги каби маблағ ажратилмайди. Ҳамма ерда кўпи билан 4-5 фоиз», - деган президент.