Обама Суданга нисбатан санкциялар муддатини узайтирди
АҚШ президенти Барак Обама АҚШнинг миллий манфаатларига хавф солинаётгани сабабли Суданга қарши санкциялар амал қилишини яна бир йилга узайтирди, деб айтилмоқда Оқ уй хабарида. Бу ҳақда РИА “Новости” ахборот агентлиги хабар бермоқда.
Хабарга кўра, санкцияларни узайтириш зарурияти Судан ҳукумати томонидан АҚШ миллий манфаатлари ва ташқи сиёсатига фавқулодда хавф сақланиб қолинаётгани билан шартланган.
Гап 1997 ва 2006 йилларда киритилган санкциялар ҳақида кетмоқда. Бу санкциялар иқтисодий ва молиявий соҳаларни қамраб олган. Дастлаб бу санкциялар Суданнинг "террорчиликка ҳомийлик қилувчи давлатлар" қаторига киритилиши билан боғлиқ бўлганди.
Бундан ташқари, АҚШни Суданнинг Дарфур шаҳридаги вазият ташвишлантирмоқда. Бу ерда 2003 йилдан бери ҳукумат қўшинлари ва исёнчи тузилмалар ўртасида вақти-вақти билан қақшатқич тўқнашувлар юз бериб туради. БМТ маълумотларига кўра, бу ихтилофда 300 мингга яқин одам ҳалок бўлган.
Мавзуга оид
12:30 / 20.09.2024
АҚШ Россия ва КХДРнинг бешта юридик ва жисмоний шахсига қарши санкциялар киритди
16:05 / 14.09.2024
ЕИ Россияга ракета етказиб бергани учун Эронга қарши санкциялар жорий қилади
11:50 / 11.09.2024
АҚШ ва Британия Россия кемаларига қарши санкциялар киритди
08:00 / 11.09.2024