Германия қочқинларга қўшимча 2,6 млрд евро ажратади

Германия ҳукумати қочқинлар эҳтиёжларига федерал ерларга 2,6 млрд евро қўшимча маблағ ажратмоқда, деб хабар бермоқда Германия молия вазирлигига иқтибос келтирган ҳолда Deutche Welle нашри.

Таъкидланишича, маблағлар 2016 йил бюджетида ҳисобга олинган махсус захиралардан ажратилади. 

2015 йил сентябрдан бери Берлин федерал ерларга бир қочқинга бир ойга 670 евро ҳисобидан маблағ ажратади. 2016 йилда бу мақсадлар учун 6,9 млрд евро ажратиш кўзда тутилганди, қўшимча маблағ билан бу қиймат 9,5 млрд еврога етади. Германия ҳукумати шунингдек 2017 йилда федерал ерларга қочқинларни сақлаш учун аввал режалаштирилган 5,72 млрд еврога қўшимча 1,16 млрд евро ажратишга қарор қилди.