Марсда металл шарча топилди
Curiosity марсоходи Марснинг Шарп тоғида думалоқ шаклга эга металл метеорит аниқлади. Бу ҳақда Gizmodo хабар бермоқда.
Ровер метеоритни ўтган ҳафтада аниқлаган. Жисм Egg Rock (Тухум қоя) деб номланди ва диаметри 4 сантиметрни ташкил қилади. Метеорит думалоқ шаклни Марс атмосферасида тушиши натижасида олган.
Металл фазо жисми сайёра сиртида бир неча миллион йил ётган. У Қизил сайёра сиртида кислород йўқлиги сабабли яхши сақланиб қолган.
НАСА Curiosity марсоходи Марсга 2011 йилда жўнатилган. У Марсга 2012 йил 6 августда Гейл кратери ҳудудида қўнган.
Шарп тоғи Гейл кратери марказида жойлашган ва 5,5 км баландликка эга. Кратернинг катталиги диаметрда 150 км дан каттароқ бўлиб, ёши 3,5 млрд йил дея баҳоланади. Унинг туби емирилишга учраган чўкинди жинслар билан қопланган. Қадимда кратернинг энг чуқур қисмлари сув билан тўлган бўлиши мумкин.
Мавзуга оид
00:49 / 12.09.2024
Хитой 2028 йилга бориб Марсга тарихий миссиясини амалга оширишни режалаштирмоқда
21:32 / 10.09.2024
АҚШда фермер қимматбаҳо метеоритни 30 йил эшик тиргаги сифатида ишлатиб келгани маълум бўлди
18:16 / 08.09.2024
Маск тўрт йилдан кейин одамлар Марсга учишини эълон қилди
16:27 / 13.08.2024