Ироқдаги портлаш оқибатида 12 киши ҳалок бўлди

Фото: © AP

Ироқнинг Киркук вилоятидаги портлаш оқибатида 12 киши, жумладан аёллар ва болалар ҳалок бўлди. Бу ҳақда AFP ахборот агентлиги хабар бермоқда.

Агентлик маълумотларига кўра, полицияга тегишли бўлган транспорт воситаси портлаган. Маълум қилинишича, маҳаллий аҳоли орасидан бир гуруҳи транспорт воситасида ИШИД назорати остидаги Хавижа шаҳрини тарқ этмоқчи бўлган. Қурбонлар орасида, аёллар, болалар ва полиция ходимлари бор.

Ҳозирча воқеа тафсилотлари аниқлаштирилмоқда. Тахминлардан бирига кўра, портлаш транспорт воситаси жангарилар қолдирган минани босиб олиши оқибатида юз берган бўлиши мумкин. Яна бир тахминга кўра, йўловчи аёллардан бирининг юки орасида портловчи қурилма бўлган.