Анқарада АҚШ ва Туркия ҳарбий қўмондонлари учрашди

6 ноябрда АҚШ штаблари бошлиқлари бирлашган қўмитаси раиси Жозеф Данфорд Анқарада Туркия бош штаби бошлиғи Хулуси Акар билан учрашгани маълум бўлди. Бу ҳақда Reuters ахборот агентлиги хабар бермоқда. 

Учрашув тафсилотлари ошкор қилинмаган. Айни вақтда ягона маълум нарса шуки, учрашув АҚШ ташаббуси билан бўлиб ўтган.

6 ноябрда бундан аввалроқ Суриянинг Раққа шаҳрини ИШИД жангариларидан озод қилиш бўйича операция бошлангани ҳақида маълумот пайдо бўлганди. Таъкидланишича, шаҳарга ҳужум АҚШ кўмагида олиб борилмоқда. Бунгача эса Туркия Раққани озод қилишда АҚШни қўллаб-қувватлашга тайёрлигини маълум қилган.