Швеция прокуратураси Ассанжни сўроқ қилиш муддатини маълум қилди
Швеция прокуратураси WikiLeaks асосчиси Жулиан Ассанж 14 ноябрь куни Эквадорнинг Лондондаги элчихонаси кўмагида сўроқ қилинишини тасдиқлади. У Швецияда жинсий тажовуз қилганликда айбланмоқда.
"Жулиан Ассанж Эквадорнинг Лондондаги элчихонасида, 14 ноябрь куни сўроқ қилинади", — дейилади Швеция прокуратураси тарқатган хабарда.
Сўроқни эквадорлик прокурор швециялик ҳамкасби Ингрид Исгрен иштирокида амалга оширади. Тахминларга кўра, Ассанж розилик билдирган тақдирда, унинг ДНК намуналари ҳам олинади. Швеция прокурори Лондонга келган вақтида ҳеч қандай интервью бермаслиги қайд этилмоқда. Бунга тергов жараёнининг махфийлиги сабабдир, дейилади матбуот баённомасида.
Гумонланувчи 2012 йил декабридан бери Эквадорнинг Лондондаги элчихонасида бошпана топган. Ассанж Швеция ҳукумати уни WikiLeaks сайтидаги фаолияти учун АҚШга экстрадиция қилишидан хавотирланади.
Мавзуга оид
23:35 / 23.09.2024
Швециянинг муваффақият тарихи: CО2 чиқиндиларини камайтирган ҳолда қандай қилиб ЯИМни икки бараварга ошириш мумкин?
00:28 / 16.09.2024
Стокголмда 2033 йилга бориб уй-жой етишмовчилиги кузатилади
23:20 / 12.09.2024
Швеция ватанига қайтишни истаган мигрантларга кўрсатиладиган молиявий кўмакни 35 баробарга оширади
17:16 / 09.09.2024