Ўзбекистон ташқи ишлар вазири ўринбосари Анвар Носиров МДҲ давлатларини Ўзбекистоннинг ривожланган транспорт тизимидан биргаликда фойдаланишга таклиф қилди. Бу ҳақда Sputnik-Ўзбекистон хабар бермоқда.
“Ўзбекистонда жадал суратларда замонавий йўл-транспорт ва коммуникация-муҳандислик тизимлари қурилмоқда. Биз МДҲ мамлакатларидаги ҳамкорларимиз билан ушбу янги магистраллардан биргаликда фойдаланиш имкониятларини кўриб чиқишга тайёрмиз”, — деди Анвар Носиров 8 ноябрь куни "Россиянинг 2017 йил давомида МДҲда раислик концепцияси" тақдимоти маросимида.
Янги магистраллар қаторида Ўзбекистон ташқи ишлар вазири ўринбосари Афғонистоннинг Мозори Шариф шаҳрига олиб борувчи "Тошгузар-Бойсун-Қумқўрғон" йўналишини, Тошкентдан – Самарқандга, Бухорога ва Қаршига қадар йўлга қўйилган тезюрар поездлар ҳаракатини, янги “Ангрен – Поп” темир йўлини айтиб ўтди.
