Туркияда қўлга олинган халқаро қидирувдаги икки шахс Ўзбекистонга қайтарилди

Улардан бири Жиноят кодексининг 168-моддаси билан, яна бири эса 104-моддаси билан айбланиб қидирувда бўлган.

Фото: Истанбул Бошконсулхонаси

Ўзбекистон ва Туркия ҳуқуқни муҳофаза қилувчи органлари ўртасидаги ҳамкорлик натижасида узоқ муддат халқаро қидирувда бўлган икки нафар шахс Туркия ҳудудида аниқланиб, қўлга олинди.

Хабар қилинишича, Жиноят кодексининг 168-моддаси билан айбланиб қидирувда бўлган M.Б. Туркияда яшириниб юрган вақтида аниқланиб, тегишли тартибда Ўзбекистонга қайтарилди.

Шунингдек, Жиноят кодексининг 104-моддаси билан айбланиб қидирувда бўлган Ж.Б. ҳам Туркия ҳудудида қўлга олиниб, Ўзбекистонга қайтарилди.

Мазкур шахслар тергов ва суд жараёнларини давом эттириш учун ваколатли органларга топширилди.