Қирғизистон жанубида 4,7 магнитудали зилзила юз берди

Қирғизистон ҳудудида 4,7 магнитудали зилзила кузатилди. Бу ҳақда мамлакат фавқулодда вазиятлар вазирлиги хабар берган.

Ер ости силкиниши 14 ноябрь куни Тошкент вақти билан соат 07:07да содир бўлди.

Дастлабки маълумотларга кўра, зилзила ўчоғи Қирғизистон ҳудудида, Адишев қоялари жойлашган тоғда, Ўш шаҳридан 50 км шарқда, Учкаптал пунктидан 10-12 км масофада, 5 км чуқурликда жойлашди. 

Ўшдагилар 3,5 балли зилзилани сезишган, қишлоқ ҳудудларида зилзила кучи 4,5 баллни ташкил қилган. Ҳодиса оқибатида жабрланганлар ҳақида маълумотлар йўқ.