Япония бош вазири Трамп билан учрашадиган илк давлат раҳбари бўлади

Япония бош вазири Синдзо Абэ АҚШдаги президент сайловида ғалаба қозонган Дональд Трамп билан учрашув ўтказувчи илк хорижлик давлат раҳбари бўлиш "катта шараф" эканини қайд этди. У янги президент билан ўзаро ишонч асосидаги муносабатлар қурилишига умид билдириб ўтган.

"Менимча, дунё раҳбарлари орасида биринчи бўлиб АҚШнинг янги президенти билан учрашиш ва музокаралар ўтказиш – катта шарафдир. Мен у билан бизнинг келажакдаги режаларимиз хусусида гаплашмоқчиман", — дея Нью-Йоркка учаётган япониялик сиёсатчининг сўзларини келтирган Киодо агентлиги.

"Мен жаноб Трамп билан ўзаро ишонч асосидаги муносабатларни қурмоқчиман", — дея қўшимча қилган Синдзо Абэю У АҚШ билан иттифоқ "Японча дипломатия ва хавфсизлик"ни акс эттиришини таъкидлаган.

Япония бош вазири 17 ноябрдан 7 декабргача АҚШ, Перу ва Аргентина давлатлари бўйлаб сафар қилади. Абэ ва Трампнинг учрашуви 17 ноябрь кунига белгиланган. Шундан сўнг Абэ Перуга Осиё-Тинч океани иқтисодий ҳамкорлик саммитида иштирок этиш учун йўл олади.