Қирғизистонда фуқаролик никоҳидан ўтмай, шаръий никоҳ ўқитиш тақиқлаб қўйилди

Қирғизистон президенти Алмазбек Атамбаев "ФҲДЁда рўйхатдан ўтмай диний никоҳ удумларини ўтказишни тақиқлаш тўғрисида"ги қонунни имзолади. Бу ҳақда президентнинг ахборот сиёсати бўлими маълум қилди. 

Таъкидланишича, қонун балоғатга етмаганларнинг турмуш, саломатлик, таълим, ривожланиш ва улар томондан минимал никоҳ ёшига етиш бўйича ҳуқуқларини ҳимоя қилишга қаратилган.

Қонунга мувофиқ, балоғатга етмаганларга шаръий никоҳ ўқитишда Оила кодексининг никоҳ ёши бўйича талаблари бузилаётган бўлса, унда иштирок этган шахслар, жумладан имомлар ва ота-оналар жиноий жавобгарликка тортилади.

Қонун расман чоп этилгандан 30 кун ўтиб кучга киради.