Фото: Globallookpress
Мисрда цирк томошаси вақтида шер ва уч йўлбарс ҳайвон ўргатувчига ҳужум қилиб қолди. Бу ҳақда "Ал-Ахрам" нашрига иқтибос келтирган ҳолда ТАСС ахборот агентлиги хабар бермоқда.
Воқеа Искандария шаҳри яқинида юз берган. Томоша вақтида шер ҳайвон ўргатувчига ҳамла қилиб, унинг бўйнига хиппа ёпишиб олган. Бу етмагандек, томошада иштирок этаётган яна уч йўлбарс ҳам шер ўргатувчига ташланган.
Шер ўргатувчи оғир жароҳатлар билан Искандариядаги шифохонага етказилган. Айни вақтда у оғир аҳволда жонлантириш бўлимида қолаётгани таъкидланмоқда.
Йиртқичларнинг бундай тажовузкорона ҳаракатига нима сабаб бўлгани номаълумлигича қолмоқда.
