Финляндияда мэр ва журналистлар отиб кетилди

Финляндияда отишмада Иматра шаҳри мэри ва икки нафар маҳаллий журналист ҳалок бўлди. Учала қурбонлар ҳам аёл кишилар бўлган. Отишма Иматрада юз берган, деб хабар бермоқда Yle.

Отишма 4 декабрга ўтар кечаси шаҳардаги ресторанлардан бирида юз берган. Жиноятни содир этганликда гумон қилинган кимса қўлга олинган.

У 23 ёшли эркак бўлиб чиққан ва қаршилик кўрсатмай таслим бўлган.

Таъкидланишича, ҳуқуқ-тартибот муассасаларида жиноят сабаби ҳақидаги текширилмаган исталган ахборот инкор қилинмоқда, чунки бу сабаблар ҳозирча номаълум. 

Телеканал мухбири маълумотларига кўра, аёллар ресторандан чиқаётганларида отиб кетилганлар.