Махсус репортаж: Сайловнинг сўнгги дақиқалари

Сайлов жараёнлари ҳам ўз якунига етди. Фуқаролар  сайловда фаол иштирок этишди. Kun нашри мухбири ҳам ёпилишидан аввал сайлов участкаларида бўлиб, сайловчиларнинг таассуротлари билан бўлишди.

Нормуҳамедова Феруза:

Бугун кузатувчи бўлиб иштирок этдик. Шу ўринда ўз овозимизни ҳам бердик. Сайлов жараёни ҳаққоний ўтди. Маҳалламиз фуқаролари чиқиб, ўз номзодларига фаол тарзда овоз беришди.

Ҳожиакбарова Шарифа:

Сайловда биринчи маротаба иштирок этмоқдаман. Аввалига қандайдир қўрқув бор эди. Бироқ бугунги кун худди байрамдек ўтди. Биз овоз бериб сайлаган инсон муносиб юртбоши бўлишига ишонамиз. 

Мирзахўжаев Шариф, тадбиркор:

Кун давомида баъзи ишлар билан банд бўлганим учун кечки пайт сайловда овоз беришга ташриф буюрдим. Эртага натижаларни интиқлик билан кутаман.

Маҳбуба Аминова, комиссия аъзоси:

Сайлов жараёни жуда уюшқоқлик билан ўтди. Барча фуқаролар кўтаринки кайфиятда ўз ихтиёри билан овоз берди. Бугунги сайлов чиройли якун топганидан хурсандман.