Фото: РИА "Новости"
Қирғизистон президенти Алмазбек Атамбаев 5 декабрь куни меҳнат таътилига чиқди. Бу ҳақда давлат раҳбари маъмурияти хабар бермоқда.
Шу билан бирга маъмурият президент қанча муддат таътилда бўлишига ойдинлик киритмаган, деб ёзмоқда «Интерфакс».
Атамбаев 1 декабрь куни бўлиб ўтган матбуот анжуманида мамлакатни тараққий эттирувчи янги стратегия устида ишлаш учун яқин вақт ичида таътил олишини маълум қилган эди.
Эслатиб ўтамиз, Қирғизистон раҳбарининг бундан олдинги таътили сентябрь ойида, кўкрак қисмида пайдо бўлган оғриқ сабаб бўлиб ўтган эди.
