Хитойлик тадбиркорлар Кэмерон ва Си Цзиньпин учрашган пабни харид қилишди

Британия бош вазирлари қароргоҳидан унча узоқ бўлмаган ҳудудда жойлашган Plough at Cadsden паби хитойлик сармоядорларга сотилди. Бу ҳақда The Guardian нашри ўз манбаларига асосланган ҳолда ёзмоқда. 

Пабнинг Хитойда машҳурлашиб кетишига, ХХР раҳбари Си Цзиньпиннинг Британияга уюштирган ташрифи сабаб бўлган. Ўшанда Хитой раиси Британия бош вазири Дэвид Кэмерон билан ушбу пабда Британия-Хитой муносабатларининг «олтин даври» бошланишини нишонлаган эди. 

«Паб хитойлик сайёҳлар учун ўзига хос эътиборга молик иншоотга айланди. Чунки, улар ўзларининг давлат раҳбари тановул қилган Британия миллий таоми ва ичимлигини татиб кўришни хоҳлашади», — деган шартномада Британия томони манфаатларини ҳимоя қилган Christie&Co компанияси директори Нил Морган. 

Нашрнинг ёзишича, паб хўжайини Стив Холлингснинг таъкидлашича, ХХР раиси унга электрон мактуб йўллаб, таом ва ичимликлар учун миннатдорлик изҳор қилган.