Туркия разведка сунъий йўлдошини учирди

Туркиянинг разведка сунъий йўлдоши Göktürk-1 5 декабрда Француз Гвианасидаги Куру космодромидан орбитага учирилди, деб хабар бермоқда "Анадолу" ахборот агентлиги. 

Сунъий йўлдошнинг учирилиши ортидан Туркия президенти Ражаб Тойиб Эрдўған жонли эфирда кузатди.  

Эрдўған Туркиянинг сунъий йўлдошларини яратиш ва ишлаб чиқариш вақти келганини таъкидлаб ўтди. "Биз бу йўналишда катта қадамлар қўйишимиз керак", деб айтган Эрдўған.   

Göktürk-1 Туркия қуролли кучларини Ернинг юқори сифатли суратлари билан таъминлайди. Сунъий йўлдош Ер атрофини 90 дақиқа ичида айланиб чиқади.

Францияда ишлаб чиқарилган ушбу сунъий йўлдош Ерга йилига 60 мингдан кўпроқ суратлар жўнатади.

Сунъий йўлдош Италиянинг Telespazio ва Франциянинг Thales Alenia Space компанияларининг биргаликдаги саъй-ҳаракатлари билан яратилди.