Европа Иттифоқи аудиторлари: Украина сиёсати ва ОАВ олигарх жамоалар назоратида

Фото: Getty Images

Европа аудиторлар суди (ЕСА) мутахассисларининг фикрича, Украина сиёсати ва ОАВ олигарх жамоалар назоратида қолган. Бу ҳақда суд сайтида чоп этилган ҳисоботда айтилган.

"Олигарх жамоалар Украина иқтисодиёти, сиёсати ва ОАВга энг катта таъсир кўрсатишда давом этмоқда", дейилган ҳисоботда.

Маълум қилинишича, аудиторлар, шунингдек, 2007 йилдан 2015 йилгача Украинадаги давлат молияларини бошқариш, коррупцияга қарши кураш ва газ тармоғига баҳо беришган.

Суд мутахассисларининг фикрича, Европа Иттифоқи Украинага газ тармоғида самаралироқ ёрдам бериши керак.

Аввалроқ ЕСА Украинани Европанинг энг коррупциялашган давлати деб атаганди.