Нигериядаги терактлар туфайли 30 киши ҳалок бўлди

Нигерия шимоли-шарқида жойлашган Мадагали шаҳридаги бозорларда бир вақтнинг ўзида содир этилган портлашлар оқибатида ҳалок бўлганлар сони 30 нафарга етди. Бу ҳақда Франс Пресс агентлиги маҳаллий ҳарбийларга таяниб хабар тарқатган.

"Камида 30 киши 2 худкуш содир этган портлаш оқибатида ҳалок бўлди", дея агентликка маълумот берган майор Бадар Акинтойе.

Ҳодиса тафсилотлари келтирилмаган.

Ҳукумат қўшинлари бу шаҳарни ўтган йили "Боко Ҳарам"дан озод қилганди. Ҳозирда ҳарбийлар Самбис шаҳри яқинидаги ўрмонга яширинган террористлар устига ҳужум қилмоқда.