9 декабрь куни Deloitte консалтинг компанияси Европа, Африка ва Яқин шарқдаги катта суръатда ривожланаётган 500та компания рейтингини эълон қилди. Унга 28 давлат вакиллари киритилди.
Рўйхатни бошқариб бораётган Швециянинг бармоқ изларини аниқлаш бўйича қурилмалар ишлаб чиқарувчи Fingerprint Cards компаниясининг 2012-15 йиллардаги даромади 28 126 фоизга ўсган.
Иккинчи ўринга Туркиянинг Bilgikent тизим интегратори муносиб кўрилган. У ҳисобот даври мобайнида даромадини 16 015 фоизга ошира олган. Етакчи учликни Польшанинг маркетингга доир дастурий таъминотлар ишлаб чиқарувчи Codewise компанияси 13 052 фоизлик даромад билан тамомлаган.
