![](http://storage.kun.uz/source/1/HOsJC2HnBWFz1xcYYS4WaiQoZMCDm5md.jpg)
Фото: © EPA
Америкалик гроссмейстер Уэсли Со Лондонда бўлиб ўтган шахмат бўйича Grand Chess Tour туркумидаги супертурнирда ғалаба қозонди.
Со сўнгги, тўққизинчи турда франциялик Максим Вашье-Лаграв билан дуранг натижани қайд этди. Шунингдек, Хикару Накамура (АҚШ) - Майкл Адамс (Англия), Владимир Крамник (Россия) - Вишванатан Ананд (Ҳиндистон), Фабиано Каруана (АҚШ) - Аниш Гири (Нидерландия) партиялари ҳам ғолиб номини аниқлаб бермаган. Яна бир партияда эса болгариялик Веселин Топалов арманистонлик Левон Аронянни мағлуб этди.
Якуний турнир жадвали: Со - 6 очко; Каруана - 5,5; Крамник, Накамура, Ананд – 5 тадан; Гири - 4,5; Адамс, Вашье-Лаграв, Аронян – 4 тадан; Топалов - 2.