Исроил бош вазири БМТ билан муносабатларни қайта кўриб чиқишга буйруқ берди

Фото: Reuters

Исроил БМТ Хавфсизлик кенгаши Исроил томондан Фаластин ҳудудларида турар жойлар қурилишини тўхтатиш талаб қилинган резолюцияни қабул қилгандан кейин халқаро ташкилот билан ўз муносабатларин қайта кўриб чиқмоқчи, деб айтди Исроил бош вазири Биньямин Нетаньяху. Бу ҳақда Reuters ахборот агентлиги хабар бермоқда.

"Мен ташқи ишлар вазирлигига БМТ билан барча алоқаларимизни, жумладан БМТнинг Исроил институлари томонидан молиялаштирилиши ва БМТ вакилларининг Исроилда бўлишини тўлиқ қайта баҳолашга буйруқ бердим", деб айтди Нетаньяху.

Нетаньяхунинг айтишича, у бу масала бўйича АҚШнинг бўлғуси маъмурияти билан гаплашган, АҚШ "бу резолюцияни ўзгартириши ва ҳеч кимга Исроил давлатига зиён етказишга ижозат бермаслигини" айтган.