Пекинни тезлик билан чулғаётган смог видеога олинди. Ролик 3 январда чоп этилган.
Тезлаштирилган видеода Пекин кўчаси 20 дақиқа ичида деярли тутун ичида қолганини кўриш мумкин. Айни вақтда Пекинда ҳаво ифлосланганлигининг хавфлилик бўйича 2-даражали "зарғалдоқ" даражаси эълон қилинган.
ТАСС ахборот агентлигининг маълум қилишича, шаҳарда смог 6 та тезкор шосседаги транспорт ҳаракатини тўхтатиб қўйган. Пекин ҳукумати бир қатор қурилиш ва корхоналарда ишларни вақтинчалик тўхтатди. Ҳаво ифлосланганлиги даражаси камайишини 5 январдан олдин кутиш ярамаслиги айтилган.
