Видео: Португалияда футболчига яна қандай ҳаракат учун қизил карточка кўрсатилади?

Португалия лигаси кубоги доирасида кечган «Порту» ва «Морейренсе» жамоалари учрашуви вақтида ноодатий воқеа юз берди.

«Порту» яримҳимоячиси Данилу Перейра 3 дақиқа ичида иккинчи сариқ карточкани олиб, майдонни тарк этди.

Дастлаб у рақибини туртиб йиқитгани учун 76-дақиқада огоҳлантирилганди. Орадан уч дақиқа ўтгач, бош ҳакам Луиш Годиньо билан тасодифан тўқнашиб кетди ва ҳакам унга иккинчи марта сариқ карточка кўрсатди.

Якунда «Порту» 0:1 ҳисобида ютқазиб, мусобақани тарк этди.