Иккинчи жаҳон уруши бошлангани ҳақида биринчи бўлиб хабар берган журналист вафот этди

Британиялик ҳарбий журналист, Иккинчи жаҳон уруши бошлангани ҳақида биринчи бўлиб хабар берган Клэр Ҳоллингуорт 105 ёшида оламдан ўтди. Бу ҳақда "Би-Би-Си" хабар тарқатди.

Манба маълумотига кўра, у ўзи 60 йилдан буён истиқомат қилиб келган Ҳонгконгда вафот этган.

Ҳоллингуорт хоним 1939 йилнинг сентябрида Польшадан Германияга кетаётганида немис қўшинлари чегарани бузиб ўтаётганига гувоҳ бўлиб қолганди. У дарҳол ўз кўрганлари ҳақида хабар тарқатган.

Ўзининг журналистик фаолияти давомида у Вьетнам, Жазоир, Ҳиндистон, Покистон ва Яқин Шарқда ишлаган, шунингдек, Хитойдаги маданий инқилоб воқеаларини ёритган.