Ироқ бош вазири Мўсул ғарбига ҳужум бошланганини маълум қилди

Фото: RIA

Ироқ бош вазири Ҳайдар ал-Ободий мамлакат қўшинлари Мўсулнинг ғарбий қисмига ҳужум бошлашганини маълум қилди. У бу ҳақда Ироқ давлат каналидаги нутқида айтиб ўтди, деб хабар бермоқда Reuters ахборот агентлиги.

Ҳужум шаҳарнинг бу ҳудудини тўлиқ назорат қилаётган ИШИД жангариларига қарши қаратилган.

Бош вазир ҳарбий операция тафсилотларини ошкор қилмади.