Оқ уйдан Обамага тегишли буюмлар олиб чиқиб кетилди (фото)

Фото AP

АҚШ президентининг расмий қароргоҳидан 19 январда Барак Обама ва унинг оиласига тегишли барча буюмлар олиб чиқиб кетилди.

Журналистларнинг кузатувларига кўра, Дональд Трампнинг инаугурацияси арафасида Оқ уйда ноодатий осойишта бўлиб қолган, деворлардан барча фотосуратлар ечиб олинган, собиқ ходимлар столлари эса бўшаб қолган.

Обама жамоасининг охирги аъзолари буюмларини йиғиштиришни якунлаб, ҳамкасблари билан "кўзда ёш" билан хайрлашдилар. Оқ уйга ёрдамчи ходимлар қараб туришади.