Латвиянинг собиқ президенти ўз халқи ҳақида салбий фикрлар билдирди

Латвиянинг собиқ президенти Вайра Вике-Фрейберга латвияликларнинг "нафратланиши, гиначилиги ва ҳасадгўйлиги"дан шикоят қилди ҳамда ҳамюртларидан ҳафсаласи пир бўлганини айтди.

Вике-Фрейберга Ригадаги биринчи ўрмон қабристонида "ўртага одам аралаштириб" ўзига қабр жойи ҳозирлатиб қўйганидан кейин Коррупциянинг олдини олиш ва унга қарши кураш бюроси кўз остига тушган. 

Гап шундаки, собиқ президент ўзига қабристонда мамлакатнинг биринчи президенти қабри ёнидан жой ҳозирлатиб қўйган. Боз устига, бир одам учун эмас, нақд 7 кишилик жой.

Кейинроқ у фейсбукда танқидий изоҳ билдириб, бу воқеадан кейин уни Канадада дафн этишгани ёки кремация қилишгани яхшироқ бўлишини айтган.

"Мен ҳар доим халқимни идеаллаштириб келганман. Президент бўлганимда менинг вазифам Латвия халқи салоҳиятини уйғотиш бўлган. Гул каби сув билан суғоришдек. Ҳозир мен ўзимга қарши қаратилган бу пасткаш нарсаларни кўраётганимдан кейин халқимнинг маънавий ва руҳий ўсишига ишончим хавф остида турибди", деб айтган собиқ президент.

Унинг айтишича, "ўзга юртда инсоннинг охирги борадиган жойига ҳасад қилиш фикри ҳеч кимда пайдо бўлмайди".

Вике-Фрейберга 1999 йилдан 2007 йилгача Латвия президенти бўлган. У президент этиб сайланишидан олдин Канададан ватанига қайтиб келган.