Исроил Фаластин ҳудудларида янги уйлар қуришни маъқуллади

Исроил ҳукумати Иордан дарёсининг Ғарбий соҳилидаги яҳудий қишлоқларида 2,5 мингта уй қурилишини маъқуллади, деб хабар бермоқда Jerusalem Post нашри.

"Биз Иудея ва Самарияда нормал ҳаётни йўлга қўймоқдамиз", деб айтди Исроил мудофаа вазири Авигдор Либерман.

Ўз навбатида Исроил бош вазири Биньямин Нетаньяху Исроил "қуришни давом эттиришини" қўшимча қилди.

2016 йил 23 декабрда БМТ Хавфсизлик кенгаши Исроилга Фаластин ҳудудларида уйлар қуришни тақиқлаш талаб қилинган резолюцияни қабул қилганди.

Бунга жавобан Исроил БМТ бюджетига киритадиган бадалларини 6 млн долларга қисқартирган.