Сиэтл федерал судьяси Трамп фармонини қисман тўхтатди

Фото: UPI

АҚШнинг Вашингтон штати Сиэтл шаҳри федерал суди ҳаками АҚШ президенти Дональд Трампнинг иммиграция фармони ижросини қисман тўхтатди. Бу ҳақда Reuters агентлиги хабар қилмоқда.

«Бу қарор айни вақтдан бошлаб ҳукумат фармонини бекор қилади», — дейилади штат прокурори Боб Фергюсон баёнотида.

Аввалроқ, Детройт шаҳри судьяси Виктория Робертс ҳам 7 мусулмон мамлакатдан келаётган фуқароларнинг Америкага киришини тақиқловчи президент фармони ижросини вақтинча тўхтатган эди.

Ушбу қарор Мичиган штати Шарқий округи суди сўровига жавобан қабул қилинди.