Трамп штатлар шерифларини Оқ уйга учрашув учун таклиф қилди

АҚШ президенти Дональд Трамп тахминан ўн нафар шерифни Оқ уйга таклиф қилди. Улар билан ҳуқуқни муҳофаза қилиш органлари фаолиятига алоқадор, жумладан, муҳожирликни чеклаш масалалари муҳокама этилади, деб хабар берди The Huffington Post.

Таъкидланишича, делегация таркибидан террорчилар “мамлакатга Америка-Мексика чегараси орқали кириб келган”, деб тахмин билдирган Вайоминг штати шерифи, Трампга чексиз ҳурмати билан машҳур бўлган Техас шерифи ва АҚШ президентини “ватанпарварлик баҳори учун” мақтаган Миннесота штати шерифлари ҳам ўрин олган.

Иштирокчилар рўйхатини тақдим этган миллий шерифлар ассоциацияси вакили учрашувда муҳожирлик масаласига катта эътибор қаратилишини билдириб ўтган. Шерифлар, шунингдек, қамоқхоналардаги маҳбусларнинг руҳий ҳолати ва федерал ҳукуматга маҳаллий ҳуқуқ-тартибот органларига ҳарбий анжомларни етказиб бериш имконини берувчи дастурни ҳам муҳокама қилишади.