АҚШ ноиммиграцион визаларига мурожаат қилиш тартибида ўзгаришлар рўй берди

Америка Қўшма Штатларининг ноиммиграция визаларига мурожаат қилиш тартибида ўзгаришлар амалга оширилди, деб хабар қилмоқда АҚШнинг Ўзбекистондаги элчихонаси Facebook саҳифасида. Унга кўра, 2017 йил 8 февраль санасидан эътиборан “Суҳбатсиз Мурожаат Этиш дастури” доирасида ноиммиграцион визаларга мурожаат этиш жараёнларида ўзгаришлар рўй берган. 

Саҳифада жойлаштирилган эълонда шундай дейилади:

““Суҳбатсиз Мурожаат Этиш дастури” доирасида ноиммиграцион визаларга мурожаат этиш жараёнларида ўзгаришлар рўй берди. Бугундан эътиборан, “Суҳбатсиз Мурожаат Этиш дастури” доирасида визага мурожаат этмоқчи бўлсангиз, сиз [email protected] манзилига электрон почта орқали хат ёзишингиз керак. 

Хатингизда қуйидаги маълумотлар кўрсатилган бўлиши шарт:
• Мурожаат этувчининг тўлиқ исм-фамилияси;
• Мурожаат этувчининг паспорт рақами ва анкетасининг тасдиқлов рақами;
• Сўнгги АҚШ визасининг амал қилиш муддати тугаган сана”.